Улуттук тамеки (никотинди) чегүүнү таштоого телефон аркылуу жардам берүү линиясы (УТТЖБЛ) – тамекини (никотинди) чегүүнү таштоону каалагандар үчүн мобилдик операторлорунун телефондору аркылуу акысыз, анонимдүү жардам берүү кызматы.
2103 номери аркылуу (Mega, O! жана Beeline) акысыз, анонимдүү Call-борборуна чалуу менен Сиз маалымат жана квалификациялуу кеңеш аласыз!
УТТЖБЛнын консультанты алгач абонентти сурамжылоо жолу менен (2-3 мүн.) абоненттин тамекиге болгон көз карандылыгынын оордук даражасын,ошондой эле анын тамеки чегүүнү таштоого мотивациясын жана/же даярдыгын аныктайт.
Консультанттын мындан аркы тактикасы тамекиге көз карандылыктын оордугуна жана абоненттин тамекини таштоого даярдыгына жараша болот.
УТТЖБЛнын негизги максаттары:
Тамеки чегүүнү таштагысы келген Call-борбордун абоненттерине маалымат, квалификациялуу консультация жана психологиялык колдоо көрсөтүү (активдүү чалуулар), атап айтканда:
—тамеки чегүүнү таштоого даяр жана тамекини таштоого жогорку мотивациясы бар адамдарга тамекини таштоо боюнча маалымат жана кеңеш берүү;
—тамекини таштоого даяр эмес жана/же чечим кабыл ала элек адамдарга маалымат берүү, даярдоо;
—тамекини таштоо мезгилинде психологиялык колдоо көрсөтүү (3-5 күндөн, 10-12 күндөн жана 30 күндөн кийин реактивдүү чакыруулар);
—тамекини(никотинди) таштагандан кийин 3 айдан 6 айга чейин таштаган адамдарга колдоо көрсөтүү (зарыл учурда);
—жардам линиясы аркылуу кайрылган адамдарга тамекиден баш тартуу процессинде байкоо жүргүзүү жана колдоо көрсөтүү үчүн мониторинг жүргүзүү (12 айдан кийин сурамжылоо).
УТТЖБЛ 2 принцип боюнча иштейт:
1) Келген (Активдүү) чалууларга жооп берүү,
2) 3-5 күндөн, 12-14 күндөн жана 30 күндөн кийин тамекини таштоо мезгилинде (реактивдүү чалуулар) психологиялык колдоо көрсөтүү);
Телефон аркылуу консультация берүүнүн натыйжалуулугу
* оңой, жеткиликтүү,
* купуя (анонимдүү),
* чалган адам үчүн акысыз болгондугу менен камсыз кылынат.
Сүйлөшүү процессинде телефондук жардам кызматынын натыйжалуулугун андан ары жогорулатуу үчүн абоненттердин пикири изилденет.
Жумуш убактысы
УТТЖБЛ (Колл-борбору) күн сайын иштейт:
— 09:00 дөн 21:00гө чейин — УТТЖБЛ адистеринен акысыз кеңеш аласыз (дем алыш жана майрам күндөрүнөн тышкары).
— 21:00 дөн 09:00гө чейин жумуш күндөрү, ошондой эле 09:00 дөн 21:00гө чейин дем алыш жана майрам күндөрү — маалыматты автожоопбергич аркылуу алсаныз болот. Автожоопбергич аркылуу маалымат алуу үчүн төмөнкү баскычтарды басыңыз:
— 1 — баскычы, тамекини таштоо боюнча кеңеш;
— 2 — баскычы, тамекинин зыяндуулугу боюнча жалпы маалымат;
— 3 – баскычы, Суу түтүктөрү (кальян, шиша, ж.б.у.с) аркылуу тамеки чегүүнүн зыяны боюнча маалымат;
— 4 – баскычы, электрондук тамекилердин зыяндуулугу боюнча маалымат;
— 5 – баскычы, насвайдын зыяндуулугу боюнча маалымат.
Ден-соолукту тандаңыз! Чечим сизден! Биз жардам беребиз!